Новости

Синоќа (15 јануари) 15-тина македонски поети и писатели ја чествуваа стогодишнината од раѓањето на Славко Јаневски. Поетското читање, насловено како „Произведувачи на зборот“ се одржа во галерискиот простор на Културно-информативниот центар во Скопје. На присутните им се обратија Ѕвездан Георгиевски, извршен директор на Фондацијата за унапредување и промоција на културните вредности „Славко Јаневски“, која беше и организатор на манифестацијата, како и претседателката на Советот на град Скопје проф. д-р Љубица Јанчевска, која најави дека градот Скопје ќе ја прогласи 2020 година за година на Славко Јаневски. Стихови од Јаневски читаа актерите Ана Костовска и Владимир Петровиќ, а за музичката придружба...

Во најтесниот избор за годинашната награда „Роман на годината“ влегоа пет романи: „Молчи со отворена уста“ од Снежана Младеновска Анѓелков („Или-Или“), „Пагански времиња“ од Драги Михајлоски („Просветно дело“), „Песот со тажен поглед“ од Оливера Николова („Матица македонска“), „Последните денови на Ханс“ од Михајло Свидерски („Или-Или“) и „Приказни за госпоѓица Сит“ од Билјана С. Црвенковска („Чудна шума“). Жири-комисијата, во состав: Николина Шопова Андова (претседателка), Весна Мојсова Чепишевска, Милован Стефановски, Славе Ѓорѓо Димовски и Катерина Богоева, ќе го соопшти добитникот на „Романот на годината“ за 2019 година на прес-конференција што ќе се одржи во петок, на 13 март, во просториите на Кинотеката на Република Северна Македонија, со почеток во 11 часот. Наградата „Роман...

Првпат по вторпат: Прогласување на Роман на годината за 2019 година. Честитки за Оливера Николова, единствената авторка што два пати ја освојува наградата во 21 годишната историја на Романот на годината.